بسم الله الرحمن الرحيم 

السلام عليكم ورحمة الله وبركاتة 

النهاردة ميعادنا مع مفاجئة بمعني الكلمة 

هنعمل شبكة vpn علي موبينيل 

هتقولي ازاي دي كل البورتات مقفلة 

يلا مش مشكلة هتعرفوا ازاي دلوقتي 

فى البداية المتطلبات 

1 الكمبيوتر ☺

2 موبايل اندرويد بنظام اندرويد 4 علشان يكون شغال علية الفريدم :)

فى البداية هنشغل الفريدم عادي على الموبايل واللي مشغلوش يقدر يشغلة عن طريق الشرح دا 

حصريا كارت لان للاندرويد 4 فقط ببرنامج ‏your freedom

تمام بقى بعد ما شغلنا الفريدم على الموبايل 

هنحمل البرنامج دا 
http://pdanet.co/bin/PdaNetA4126.exe


طبعا دا للكمبيوتر 
بعد ما تحمل البرنامج وقبل ما تفتحة 
وصل الموبايل بالكمبيوتر عن طريق الوصلة وشغل تصحيح اليو اس بي من خيارات المطورين 
( الاختيار قبل الاخير فى قائمة الضبط ونعلم على اول خانة )

تمام دلوقتي سطب البرنامج واول ما يخلص 

هيقول لك شغل Pda net على الموبايل 

هتفتح الموبايل هتلاقي تطبيق اسمة pda net متسطب 
افتحة وعلم على اول اختيار 

وبعدين من الكمبيوتر 

من قائمة البرامج جنب الساعة كليك يمين على البرنامج واختار اول اختيار اللي هو كونكت :)

هتظهر لك رسالة انة عمل اتصال تمام 


دلوقتي بقى يا معلم النت شغال زي الفل على الكمبيوتر وحمل وادعيلي يا واد عمي :) 
اعتذر ان الموضوع كتابة بس علشان والله ما فاضي اعمل صور :(